Réiteoir faoi ionsaí ag Páirc an Chrócaigh

Deir Christy Cooney go socróidh na húdaráis CLG Dé Luain ar cheart an cluiche idir an Mhí agus an Lú a athimirt i diaidh conspóid an lae inniu. Scóráil an Mhí cúl i dtreo deiridh am breise, rud a scrios dóchas an Lú go mbainfeadh siad Craobh Laighean den chéad uair le 50 bliain anuas. Chuaigh cuid de lucht tacaíochta an Lú le daoraí nó ba léir, faoi mar a chruthaigh craoladh teilifíse, go raibh calaois i gceist agus nár cheart go gceadófaí an chúl. D’ionsaigh dornán de thacaithe an Lú an réiteoir, Martin Sludden,  agus é ag imeacht ón pháirc agus b’éigean do na Gardaí é a chosaint. Deir Uachtarán an CLG Christy Cooney go ndéanfar an scéal ar fad a athbhreithniú Dé Luain.