‘Seo scannán atá feicthe againn go minic roimhe seo’

Le caoinchead Ghaelscéal

ag www.gaelsceal.ie

 

Colún le hEoghan Ó Néill


An Dara Leasú ar Bhunreacht Stáit Aontaithe Mheiriceá:

A well regulated Militia, being necessary to the security of a free State, the right of the people to keep and bear Arms, shall not be infringed.

Scríobhadh an leasú sin in 1787 le nach bhfágfaí an pobal riamh gan chosaint.

Ach scríobhadh é na céadta bliain ó shin do phobal a bhí ag troid i gcoinne daorsmachta. Achtaíodh é ag am nuair a ba é an muscaed ar an armtine is coitianta.

Ní raibh muscaed clochthine ag James Holmes an oíche faoi dheireadh nuair a shléachtaigh sé dáréag i bpictiúrlann in Denver.

Bhí Glock marfach aige agus AR-15, raidhfil a scaoileann 100 piléir san am a thógfadh sé ort piléar amháin a scaoileadh ó mhuscaed.

Agus ní raibh Holmes ag cur i gcoinne daorsmachta.

Bhí sé ag iarraidh a bheith clúiteach.

Cosúil le Mark Chapman, an fear a mharaigh John Lennon. Nó Eric Harris agus Dylan Kylebold, an dís a rinne sléacht ag ArdScoil Columbine.

Nó Anders Breivik, a shléachtaigh 77 duine cothrom na hama seo bliain ó shin.

Agus cosúil le gach duine dá bhrathracha fola (nach díol suntais é gur fir a bhí iontu ar fad) ba cladhaire déanta é Holmes.

Bulaí den tsórt is measa.

Seachas roghnú targaid a scaoilfeadh ar ais air roghnaigh sé pictiúrlann lán de dhaoine óga nach raibh de chosaint acu ach grán rósta.

Chuir Holmes piléir i gcloigeann Veronica Moser, cailín 6 bliain d’aois. Agus dhá philéir in Jessica Ghawi, bean óg a tháinig slán trí seachtain roimhe sin ó shleacht a rinne gunnadóir mire eile in Toronto.

12 duine , dáréag eile a chuirfear leis an oll-líon de Mheiriceánaigh a maraíodh ar mhaithe le ‘cearta’ lucht iompar ghunna a chosaint.

Gach lá scaoiltear, ar an mheán, 225 duine sna Stáit Aontaithe.

Faigheann 80 duine acu sin bás.

80 Meiriceánach gach uile lá de gach uile bliain.

Deán na suimeanna.

Cad é an praghas atá le híoc ag SAM as an ‘ceart’ seo ar ghunnaí?

Agus cad faoi cheart an duine ar mhaireachtáil beo?

Is léir don dall go bhfuil smacht de shórt éigin de dhíth ar ghunnaí i Meiriceá.

Soiléir do gach duine ach amháin do Barack Obama agus Mitt Romney.

Níor luaigh ceachtar acu sin smacht ar ghunnaí agus iad ag dul comhbhróin an oíche faoi dheireadh.

Nuair a bhí seisean ina ghobharnóir ar Massachusetts  d’achtaigh Romney dlí a chosc raidhfilí ionsaithe.

Anois, tá sé imithe chuig an taobh eile.

An t-am a toghadh eisean dúirt Obama gur mhaith leis smacht a chur ar raidhfilí ionsaithe.

Ach ní dhearna sé faic faoi.

Bhí de mhisneach agus de dhanacht áfach ag Michael Bloomberg, Ard Mhéara Nua Eabhrac, an bhréag a thabhairt.

‘Tá binnbriathra deas’ ar seisean. ‘Ach ba mhaith linn cloisteáil ón bheirt seo, cad go díreach a dhéanfaidh siad faoi ghunnaí? Thig liom a rá leo an rud a rinne muidne, d’achtaigh Reachtas Nua Eabhrac dlíthe smachta gunnaí thar a bheith dian. Cad a dhéanfaidh siadsan?’

Tá  Obama is Romney ina dtost ó shin.

Bhí binnbriathara ó na maithe móra i ndiaidh Columbine. Agus Nickle Mines.

Agus Huston, agus Tucson.

Agus fiche éachtra eile.

Cad chuige nach ndéanfaidh na polaiteoirí é?

Gabh sa tóir ar an airgead!

De réir an Center for Responsive Politics, thug grúpaí atá i gcoinne smachtú gunnaí síntiúis ar luach $2.1m do 21 iarrthóir i dtoghchán 2010.

Thug lucht smachta gunnaí $5,300 do 7 iarrthóir.

Tá 49 brústocaire, a bhfuil buiséad $3.9m acu, ag cur cás an NRA is a macasamhail in Áras na Comhdhála. Tá 4 brústocaire ó ghrúpaí atá i bhfách le smachtú gunnaí agus buiséad $150,000 acu sin.

Le 10 mbliain anuas thug brúghrupaí atá i gcoinne smachtú arm $24m d’iarrthóirí toghcháin. Tuairim is $2m a chaith an dream atá ar son smachtú ghunnaí.

Agus i ndeireadh na dála is gnó é an tionscail arm. Gnó a dhíríonn ar mhargadh sa bhaile mar aon leis an ollmhargadh thar lear. Gnó is tionscail luachmhar a dhéanfaidh lucht gnó a chosaint.

Náscann an NRA gnó agus ceart bunreachtúil.

Cén seans go gcuirfeadh maithe móra Mheiriceá ina choinne sin?

Tá Meiriceá ar maos le gunnaí – 200 milliún ar a laghad dar leis an FBI.

Ach tá gunna-choiriúlacht ag dul in airde.

Agus an freagra atá ag an NRA air sin ná …. níos mó gunnaí!

Nuair a bheidh cead ag gach duine gunna ceilte a iompar i leabharlanna, is ollscoileanna, is siopaí, is kindergarten, is mornachana, is oifigí, is ospidéil, is tithe pobail, agus nuair a bheidh gach teach is áras lomlán de AR-15 is gunnáin Glock is Magnum, cad é mar a mhíneoidh an NRA na sléachtanna?

Cuirfidh siad an locht ar scannáin Hollywood, ar chluicí ríomhaire, ar drochthuismitheoirí, ar an idirlíon, ar an rialtas Feidearálach, ar homaighnéasaigh, ar Mhoslamaigh, ar Michael Moore agus ar gach uile rud seachas ar ghunnaí a bheith ar fáil ar leac an dorais.

 

 

 

 

 

Scríofa ag ar 25.07.2012 Rannóg náisiúnta, nuacht, tuairim.

19 Nóta Tráchta ar “‘Seo scannán atá feicthe againn go minic roimhe seo’”

  1. April McCabe

    Roghnaigh Holmes an phictiúrlann sin mar go bhfuil sé in Aurora, Colorado….áit an-NuaLiobrálach ina bhfuil an sórt smachtaithe atá daoine cosúil leatsa ag iarraidh, a Eoin, curtha i bhfeidhm cheana. Cé go bhfuil cead ag daoine gunnaí a iompar faoi cheilt i gcoitinne i gColorado, níl cead ag daoine gunnaí a iompar ar chor ar bith in Aurora faoin dlí áitiúil. Bhí comhartha ar dhoras na pictiúrlainne ag fógairt nach raibh cead ag éinne gunna a bheith acu sa bpictiúrlann chomh maith leis sin. Ceard eile a bheadh ann sa bpictiúrlann faoi na rialacha sin ach daoine nach mbeadh in ann iad féin a chosaint?

    Mar go raibh an smacht a dúirt tusa de dhíth ann cheana sna háiteanna a luaigh tú san alt, cén fáth gur tharla na heachtraí uafásacha siúd ar chor ar bith? Meas tú go mbeadh na dúnmharfóirí sásta dlí in aghaidh gunnaí a chomhlíonadh nuair nach mbionn siad sásta an dlí in aghaidh dúnmharaithe a chomhlíonadh? Agus nach raibh slad níos uafásaí déanta ag daoine in áiteanna nach bhfuil gunnaí ar fáil le buamaí agus le machetes agus le go leor rudaí nach gunnaí iad? Sa tSín, san Eoraip, in Afraic….

    B’fhéidir nach mbeadh an oiread sin daoine marbh da dtarlódh sé seo i gColorado Springs. Ó..fan..tharla. Bhí fear le gunna agus míle rounds ag iarraidh a leithéide a dhéanamh ag New Life Church, ach bhí sé stoptha ag bean le gunna. Cén fáth nach bhfuil eachtraí cosúil leis sin agus leis an Appachian Law School Shooting luaite agat, DAS?
    Deacair a bheith ag gríosú ar son polasaithe a bhíonns gan éifeacht i dtaobh na coirpeachta agus muid ag caint futhu, nach bhfuil?
    Tá go leor áiteanna le concealed carry agus daoine le gunnaí sna leabharlanne agus sna bialanna agus sna hollscoileanna agus ‘chuile áit!..agus níl aon sléacht ag tarlú iontu. Níl fóréigin de chineál ar bith ann!
    Ach tá go leor leor fadbhanna le foréigean in áiteanna cosúil le Rockford/Chicago agus Nua Eabhrac, áiteanna gan é! Bhí sléacht ann chuile lá ag na daoine gorma. Aisteach nach bhfuil tú ag iarradh míniú air sin ó lucht na heite chlé. Cén fáth?

    Cén fáth nach bhfuil tú ag iarraidh míniú ó lucht na heite chlé i dtaobh Fast agus Furious? Tá 302 daoine marbh san eachtra sin. Eachtra a tharla nuair a bhfuair muid amach go raibh Polosi agus Obama ag éitheach faoi ghunaí ag dul thar an teorainn as Méirica go dtí Meicsiceo. Ní raibh na gunnaí a bhí ann as Méiriceá ar chór ar bith. Rud an-dhairíre é F&F, go hairithe nuair a chuir muid san aireamh stáir na heite chlé agus céard a tharla i ndiaidh gun control a bheith curtha i bhfeidhm acu.

    Ar thug tusa faoi deara go bhfuil eachtra amháin ag cur isteach go mór ort ach tá tú ar nós cuma liom maidir leis an gceann eile atá i bhfad níos measa i ngach chaoi? Cén fáth?

    Rud éigean eile, is léir don dall go bhfuil an t-airgead atá ag an NRA agus ag a leithéid ag teacht ó ghnáthdhaoine de dheontas. Mar sin, tá rud beag aiféiseach dhuitse a bheith ag caint faoin tuairímí atá ag daoine. Gnáth-dhaoine nach n-aontaíonn leat, a Eoin, atá ag tabhairt airgead den NRA. Agus muid ag breathnú ar a méid airgid atá ag teacht isteach, is léir nach n-aontaíonn fórmhór de na daoine leat. Agus mar nach bhfuil do chuid tuairimí ag fórmhór de na daoine, { ‘na vótóirí’}..aithníonn na polaiteoirí nach mbeidh siad in oifig le fada ma bhionn siad ag déanamh iarracht na gceartanna atá againn a sharú cosúil leis sin nó ar a laghad, labhairt faoina leithéid roimh an toghchán.

    Tá tú níos measa ná ‘crying guy” ó Wisconsin!

  2. Séamus mac Seáin Béal Feirste

    a bhuí le Dia mór na glóire alt chomh dáiríre agus chomh páiseanta le ceann April McCabe a bheith ar Nuacht 24. Is fada mé ag feitheamh le díospóireacht mar sin ar suíomh Gaeilge ( go hiondual bíonn ár gcuid díospóireachtaí chomh múinte agus chomh sibhíalta sin go gcuirfeadh siad a chodhladh thú) Concubhar Cúil Aodha as an áireamh !!. De réir cuma tá April cóir i bhhfathach le dlí ” an Iarthair fhiain” a bheith i bhfeidhm i SAM athuair agus má’s sin mar atá tá athas orm go bhfuil mé imo chónaí i nÉirinn. I dtaca liomsa de da laghad gunaí atá i sochaí ar bith is amhlaidh is folláine é is cuma faoi na ” staitisticí”

  3. April McCabe

    I ndairíre, a Shéamais, ab ‘eard atá tú ag rá liom ná gurb amhlaidh go raibh an Ghearmáin faoi na Naitsithe agus go raibh Rúis na bPoblacht Sóivéadach Sóisialta níos folláine mar shochaí ná Méiriceá? B’fhéidir go bhfuil áiteacha ann atá i bhfad níos measa ná ‘an tIarthar fiáin”, an gceapann tú?
    An gceapann tú , i ndairíre, go raibh sé i bhfad níos fearr níos mó ban a bheith éignithe agus níos mó teaghlaigh maraithe ná na coirpigh dá ngortú a bheith i measc na 80 gach lá atá scaoilte le gunnaí a luaigh Eoin thuas? Sochaí níos follaine í an áit ina mbeadh a leithéide ag tarlú?
    An bhfuil Siceago an Gun Control níos sábhailte ná na cathracha in Arizona ina bhfuil daoine in ann gunnaí a iompar go hoscailte? Cén fáth a bhfuil i bhfad níos mó fadhbanna agus níos mó foréigin agus níos mó coiriúlachta i Siceago?

    Mar a dhúirt mé cheana, ní rud fólláin é an easpa gunnaí i measc na ndaoine ná comhartha den fholáinne é ach oiread. De ghnáth, is comhartha tinnis i sochaí é daoine atá dí-armtha.

    Ní chiallaíonn easpa gunnaí i measc na ndaoine easpa coiriúlachta. Ní chiallaíonn easpa gunnaí níos mó sábháilteachta.

    Agus cibé ar bith, ní chúis imní iad gunnaí i lámha daoine maithe ionraice do dhaoine nach bhfuil ag iarradh na daoine maithe a ionsaí nó a gcuid ceartanna a sharú. Nach fíor dom é?

    Tuigim gur cuma leat faoi statiscí agus na fíricí, a Shéamais.
    Ach mura a bhfuil tú sásta éist le firící agus iarracht a dhéanamh do chuid tuairímí a bhunú orthu, cén mhaith é diospóireacht eadrainn?
    Má bhíonn duine ann gan loighic, gan réasún..duine nach bhfuil in ann cloí leis an bhfírinne…bhuel..ní féidir le duine réasúnta déileáil leis an duine sin le loighic agus le réasún. Agus má bhíonn díospóireacht gan mhaith, bhuel..níl ach dá rogha agus thú ag déileáil le daoine eile. Mar sin, fagann sé sin ach rud amháin agus duine ag déanamh iarracht ceart nádurtha diúltacha atá ag an duine eile a sharú, go hairithe an ceart atá aige/aici chun í/é féin a chosaint. Foréigean. Tá áthas orm go bhfuil tú in Éireann chomh maith.

    Is bean an-sibhialta mé. Tá mé thar a bheith réasúnta. Ach cén fáth dá ligfinn do dhaoine eile a gcuid tuairimí agus a gcuid creideamh nach bhfuil bunaithe ar an réaltacht a bhrú orm tríd an rialtas?

    Lig dom agus ligfidh mé dhuitse, a dhuine chóir. : ) Creidim go bhfuil an ceart agat gan thú féin a chosaint. Bíodh i do phacifist.
    Beidh mé féin ag déanamh a mhalairt, agus tá an ceart agam.

    An bhfuil a fhios ‘ad, DAS, nach mbíodh ár sinséar scanraithe roimh gunnaí?

  4. April McCabe

    Brón orm..Ní bhíodh ár sinsir scanraithe roimh gunnaí.
    Leis an bhfírinne a rá, níl an sinséar sa gcisteananch scanraithe ach a oiread. : )

  5. Séamus mac Seáin Béal Feirste

    brón orm a April a chara as gan tú a fhreagairt roimhe seo ach bhí cúramaí eile orm ar feadh tamaill. Is féidir gur comhartha meatachta agam féin é ach is mó atá mé ar mo shuaimhneas sa tsochaí ina bhfuil mé nach bhfuil gunna ann ach ag fíor chorr dhuine na i sochaí a bhfuil gunna ag gach duine ann agus níor mhaith liom a bheith beo i dtír ar bith a gcaithfinn gunna a bheith agam le go mothóinn sabháilte ann. Ar an droch uair ní féidir na gunnaí a bheith i seilbh na ndea-dhaoine amháin agus sin an fath gur cheart is dóigh liom ciondáil a dhéanamh orthu a oiread agus is féidir. Nïl a fhios agam na staitisticí ach an bhfuil Éire níos foréigní na SAM de bharr nach bhfuil gunnaí go fairsing ann ? Níl a fhios agam ach ar a laghad ar bith níl na hollmharaithe ann atá coitianta sna Stáit de réir cosúlachta.

  6. April McCabe

    Tá sé sin togha! Níl aon deifir orainn, an bhfuil? : )

    Caithfidh mé a rá cé go dtarlaíonn ollmharuithe ‘chuile áit, is annamh a tharlaíonns ollmharuithe anseo. Ná déan dearmad go bhfuil SAM i bhfad níos mó ná an Eoraip agus Eireann agus an Ríocht Aontaithe uilig ina n-iomláine. Níl ollmharuithe níos coitianta sa tír seo ná atá siad i dtíreachaí atá i bhfad níos lú ná i!

    Tá áiteachaí ann sa tír seo nach mbíonn aon choiriúlacht ar bith ann nó nach raibh dúnmharbh ann le 500 bliain nó aríamh! Agus gunnaí ag beagnach ‘chuile dhuine, nó ar a laghad, cead acu ceann a bheith acu más mian leo! De réir cosulachta, a Shéamais, creideann tú rud éigéan nach bhfuil fíor ar chor ar bith. Cén fáth? B’fhéidir go bhfuil d’fhoinsí eolais fabhtach? Go stairiúil , ní raibh lucht na heite chlé le trust agus iad ag iarraidh postanna i seomra nuaíochta, mar fhoilsitheoirí, sna hollscoileanna agus i leabharlanna agus a leithéid a bhaint amach.

    Cibé ar bith, nach raibh rialtas na Ríochta Aontaithe thar éis cosc a chur ar ghunnaí sna nóchaidí? Mar sin, cén fáth go raibh ollmharuithe le gunna i gCumbria i 2010? Bhí níos mó íobartaigh i gCumbria ná in Aurora, más buan mo chuimhne.
    Bhí cosc ar ghunnaí i Siceago leis na blianta. Agus nach raibh lucht na heite chlé thar a bheith mí-shásta nuair a chuir an chúirt cosc ar a gcosc i 2010! Ach an raibh sé chomh héifeachtacht sin go raibh an cheart acu a bheith a trína chéile? Ní raibh! Cé nach raibh gunnaí ag na daoine cneasta a bhí i gcónaí sásta an dlí a chomhlíonadh… iontas na n-iontas, bhí gunnaí ag na coirpigh nach mbionn sásta dlí ar bith a chomhlíonadh! Idir 1982 agus 2010 agus cosc ar ghunnaí i Siceagó , bhí idir 250 agus 750 daoine scaoilte le gunnaí ‘chuile bhliain go héasca.

    Tá cosc ar dhrugaí. An bhfuil sé éifeachtach? Ar réitigh sé an fhadhb fós? Níor réitigh, ar ndóigh. Tá sé chomh héifeachtach le Gun Control. : )

    Tá smaoineamh agam…Ba cheart dúinn cosc a chur ar dhúnmharuithe, a Shéamais, má tá muid ag iarraidh ollmharuithe a stopadh! Réiteoidh sé sin an fhadhb! I ndáiríre, ba cheart dlí a bheith ann! ..Ó fán….

    A Shéamais, mura mbíonn sé éifeachtach, cén fáth a mothaíonn tú slán sábháilte? An bhfuil an bhréag-shábháilteacht a mhothaíonn tú níos tabhachtaí ná ceartanna ‘chuile dhuine eile?
    Ceard faoi mhná? Is beag rudaí a dhéananns bean cothrom le fear agus é ag déanamh iarracht í a ionsaí..ach déanann gunnaí é sin. An bhfuil an ceart agat cosc a chur ar bhean ar bith gunna a bheith aici chun í féin a chosaint mar nach mbeifeása ag mothú slán sábháilte le gunna áit ar bith i do shochaí? Cé thusa a bheith ag iarraidh uirthi a bheith ag fulaingt chun thusa a shásamh?
    An bhfuil tusa an dhuine is tábhachtaí i do shochaí, i ndairíre? An bhfuil tusa níos chríonna nó níos oilte nó níos tábhachtaí ná gach duine eile ar cheart dhúinn na roghanna atá ag daoine eile ó nadur a bhaint díobh.. agus cibé ceard a chreideann thusa a bhrú orthu? Dá mbeifeá, arbh cheart dhúinn? Ar cheart do do rialtas gach rud a dteastaíonn uait nó arbh fhearr dhuitse a bhrú ar chuile dhuine eile? Nó fiú, a leithéid a bhrú ar dhuine amháin eile!?

    Ná habair gur thusa an Nazi sin? : )

  7. Séamus mac Seáin Béal Feirste

    is deacair tú a bhuaileadh le loighic a April a chara tá tú ró chliste domh ar an abhar sin ach ní ar loghic amháin a mhaireann an duine is dóigh liom ach ar a mhothúchán agus ar éispearas an tsaoil chomh maith. Tá cúis ar leith agam imo shaol féin nár mhaith lliom gunnaí a bheith ar fáil go forleathan agus ní bhaineann sé le heite clé nó deas na le naitsíochas ach oiread. Is maith liom nach bhfuil gunnaí ar fáil ( agus AK 47′s ach go háirithe) go coiitianta i mo chomharsanacht agus athas orm go bhfuil dlíthe ann a choscann sin.

  8. April McCabe

    A Shéamais, a stór, is uirlisí iad loighic agus réasún. Is é an réasún an cumas intinne atá againne a usáidtear chun an réaltacht a thuiscint…… an cumas intinne atá againne a úsáidtear chun an fhírinne a dhéanamh amach.

    Ní chuireann réasún agus loighic isteach ar mhothúcháin agus ar mhianta seachas nuair a easaontaíonn do mhianta agus do mhothúcháin leis an réaltacht. Ní chuireann loighic agus réasún isteach ar an gciall a bhaineann tú as d’eispéirisí ach oiread nuair atá tú sásta glacadh leis an bhfírinne in áit í a cheilt ort féin.

    Tuigim go mbíonn an fhírinne searbh cuid is mó den am. Deacair an rud é glacadh léi uaireanta.

    Ach tá an réaltacht ann mar absalóid oibiachtúil-agus ní athraíonn do mhianta agus do mhothúcháin í. Ní thiocfaidh aon athrú ar na fírící mar gheall ar nach maith leat iad.

    Agus nach bhfuil muid ar ais ag tús na hargóinte aríst..

    Sin í an cheist, a Shéamais, an réiteoidh cosc ar ghunnaí an fhadbh? Sílim féin gur léir don dhall nach réiteoidh. Beidh uirlisí cosúil le gunnaí agus buamaí agus machetes agus nimh agus rudaí cosúil leo nach ndéantar fós ann go deo. Is féidir leo, cosúil le haon uirlís eile, maitheas nó dochar a dhéanamh.

    Is féidir le duine duine éigin eile a mharú le sluasáid. Nó poll a dhéanamh chun crann breá álainn a chur i do ghairdín!
    Is féidir le duine maitheas a dhéanamh lena vóta agus é a chaitheamh chun ceartanna agus saoil agus maoin daoine eile a chosaint. Nó a vóta a chaitheamh chun a mhalairt a dhéanamh agus saoil agus ceartanna agus maoin na milliúin milliúin a scriosadh agus a ghoid.

    Ní hiad na huirlisí an fhadhb, ach an duine atá ag baint úsáid astu.

    Is féidir le fear maith cneasta é féin agus daoine eile a bheathú agus a chosaint le gunna. Déanann gunnaí agus ‘chuile shórt uirlisí maitheas i lámh an fhir ionraic morálta atá meas aige ar na ceartanna nadurtha atá ag daoine eile. Ní thagann olcas as uirlísí i lámh an fhir atá sásta déiléil le’chuile dhuine mar duine ar leith atá cothrom leis maidir lena gceartanna nadurtha diúltacha cé nach bhfuil siad cothrom ina dtréith. Fear nach creideann ariamh go bhfuil an ceart aige íobairt a dhéanamh as fear ar bith eile, ná go bhfuil an ceart ag fear ar bith eile íobairt a dhéanamh as.

    Ach i lamh a mhalairt, ta gach uirlis an-dainséarach. I lámh an fhir míréasínta mí-ionraic a chreideanns go laidir go bhfuil an ceart ag duine ar bith íobairt a dhéanamh as duine ar bith eile do féin, tá gach uirlis dáinséarach, go hairithe vóta . I lámh an fhír nach bhfuil meas madra aige ar dhaoine eile agus ar a gcuid ceartanna, tagann olcas as gach rud a dhéanann sé.

    Réiteoidh muid an fhadbh nuair nach bhfuil muid ag iarraidh an fear mí-réasúnta mí-ionraice a mholadh inár sochaí in áit an fear cneasta ionraice. Nuair a thuigeann daoine cosúil leatsa ceard is meas-a- bheith-agat-ar-dhaoine-eile i ndairíre, beidh an fhadbh réitithe.

    Agus baineann sé seo le Nazi’s agus lucht na heite chlé eile go siúráilte….Nar léigh tú céard a bhí scríofa agat? Ní aithnaíonn tú ceartanna dhaoine eile. Lár an Mhacrocosm do Mhicrocosm, agus gach duine eile ag siúil thart gan tabhacht! Tá tú níos cosúla le Holmes agus Hitler ná a shíleanns tú.

    Agus mar sin, cén chaoi is féidir linn déiléail leat le réasún go síochanta? Níl aon iontas orm go bhfuil tú scanraithe roimh gunnaí a bheith ag fir chneasta ionraice.

    {Cé go bhfuil brón orm a cloisteáil go raibh fulaingt i do shaoil, níl leithscéal ar bith agat caitheamh le daoine neamhchiontachta eile i slí nach bhfuil ceart..fulaingt agus pain san aireamh.}

  9. Séamus mac Seáin Béal Feirste

    Tá súil agam go leanann tú leis na teachtaireachtaí ar Nuacht 24 a April a chara bheadh do bharúlacha éagsúil go maith ó na barúlacha a nochtaítear ar an tsuíomh seo de ghnáth agus bheadh sé sin an mhaith. Spíosra na beatha is ea í an díospóireacht dar liom . go leana tú ort.

  10. April McCabe

    Aontaím leat faoin díospóireacht! : )
    {Is maith le Liobraíochaí díospóireacht laidir teasaí ..agus a bheith ag déanamh machnamh ar rudaí casta agus a bheith ag cloí leis an bhfírinne, leis an bhfírinne a rá!}
    Spíosra na beatha cinnte!

    Go hairithe as Gaeilge.! Tá imní orm go mbeidh mo chuid Gaeilge caillte agam. Ní deireann duine ar bith mórán atá casta thart anseo! Labhraitear Gaeilge sa mbaile…ach tá na habairtí simpli..tá an dinnéar reidh..cuir ar an liosta siopadóireachta é…ceard atá an cat damanta sin a dhéanamh anois!…maróidh mé an %^&%#@!* cat sin.

    Ar aon chaoi, cé go bhfuil mé chomh cantalach le hAyn í féin agus mé ag dul in aois, bhain mé taithneamh as a bheith ag caint leat. : ) Is maith liom a bheith ag cloisteáil agus ag léamh tuairimí eile. Go raibh míle maith agat, a Shéamais, agus maith dom aon ráiteas uaimse a bhí ro-laidir nó ro-teasaí.

  11. Séamus mac Seáin Béal Feirste

    a April a chara nach mise atá ag maíomh do chuid Gaeilge ort agus tú ag rá go bhfuil sí caillte agat!! Da mhéid ráiteas láidir agus teasaí a bhíos ar an tsuiíomh seo is é is fearr é. Is ró chiúin ar fad atá muid mar Ghaeil agus is mithid dúinn ar nglór a ardú. Is fearr imreas na uaigneas dar liom.

  12. Dónall Chaoimhín

    Go bhfóire Dia orm, ní fhaca mé rant cosúil leis sin riamh. Aon duine a bhfuil gunna acu ní bheidh fáilte rompu i dteach s’agamsa ná i dtír s’agam. Níl ach fáth amháin go mbeadh gunna ag duine ná le rudaí beo a mharú, daoine san áireamh! Mar sin, coinnigí bhur gcuid gunnaí agaibh féin agus ná gabh in aice liomsa leo!

  13. April McCabe

    Is cuma nach bhfuil fáilte roimh dhuine ar bith a bhfuil gunna acu i do theachsa féin..Tá an ceart agat!……ach mo leathscéal. ab éard a dhúirt tú go bhfuil do thír féin ‘ad? Nó an raibh tú ag iarraidh a rá go bhfuil an tír ina bhfuil tú i do chónaí ann leatsa féin amháin?

    Is deacair a shamhlú a mbeadh éinne ann ag iarraidh comhluadar fir nach n-aithníonn a bhfuil tuairimí eile ann nach a thuairimí féin iad. Mar sin, má tá tú ag iarraidh daoine eile a choinneáil amach uait, tá ag déanamh sar-jab ..cibé ceard atá ina lámh acu!

  14. Dónall Chaoimhín

    mar a deirim, níor mhaith liom aon chomhluadar a choinneáil le daoine a bhfuil spéis acu i ngunnaí.

  15. April McCabe

    Níor dhúirt…..séard a dúirt tu ná nach raibh fáilte roimh duine agus gunna aige sa tír ‘s’adsa’ ar fád!

    Tá an-difríocht idir do rogha rud a dhéanamh chomh fada is nach bhfuil ag cur isteach ar dhuine ar bith eile…agus do rogha rud a bhrú ar ‘chuile dhuine eile.

  16. Dónall Chaoimhín

    Is faide na tráchtanna atá déanta agat ná an bunalt féin a chara, mar sin ná bí ag rá liomsa nach dtugaimse cead tuairimí a bheith ag daoine eile. Agus tá an ceart agat b’fhearr liom nach mbeadh oiread agus gunna amháin sa tír seo ‘agamsa’!

  17. April McCabe

    Má cheapann tú go dteastaíonn cead uaitse ag duine ar bith roimh tuairim a bheith acu..tá dul amú ort.

  18. Dónall Chaoimhín

    meanfach

  19. Dónall Chaoimhín

    sílim go nglacfaidh mise le comhairle ár sinsear fosta

Tabhair Freagra

© Nuacht24