Fine Gael – ceisteanna le freagairt
Litir a seoladh chuig ceannaire Fhine Gael, Enda Ó Cionnaith
A Theachta chóir,
Cheap tú an t-uasal Frank Feighan T.D mar urlabhraí Gaeltachta le déanaí. Ardaíonn an ceapachán seo ceist an-bhunúsach. Conas is féidir leis an urlabhraí Gaeltachta feidhmiú muna bhfuil aon Ghaeilge aige? Tá cearta bunúsacha i gceist anseo, mar atá, saoirse cainte agus tuairimíochta dóibh siúd ar mian leo a gcuid tuairimí a chur in iúl trí mheán na Gaeilge.
Faoi láthair, tá na cearta bunúsacha seo toirmiscthe orainn más mian linn aon idirphlé polaitiúil a bheith againn leis an Teachta Frank Feighan trí mheán na Gaeilge. Léiríonn an cinneadh seo nach bhfuil Fine Gael sásta an dínit agus an meas is bunúsaí atá dlite do shaoránaigh na tíre seo a thabhairt do phobal na Gaeilge. Is iad na cearta daonlathacha seo a gcumsaíonn idirphlé polaitiúil idir shaoránaigh agus pholaiteoirí na tíre seo. Tá ceist amháin againn. Cathain a dhéanfaidh tú leorghníomh san éagóir seo?
Beannacht,
Pádraic Breathnach
Liam Carson
Theo Dorgan
Anna Heussaff
Biddy Jenkinson
Proinsias Mac a’ Bhaird
Iarla Mac Aodha Bhuí
Doimnic Mac Giolla Bhríde
Seosamh Mac Muirí
Muireann Ní Bheaglaoich
Caitríona Ní Chleirchín
Deirdre Ní Chonghaile
Eibhlís Ní Dhuibhne
Gráinne Ní Ghilín
Síle Ní Scannláin
Brenda Ní Shúilleabháin
Aodh Ó Canainn
Lillis Ó Laoire
Muiris Ó Meara
Colmán Ó Raghallaigh
Mícheál Ó Ruairc
Feargus Ó Snodaigh
Gabriel Rosenstock
Alan Titley
