Cléir de chuid na Sunni marbh i ndiaidh caismirtí na Liobáine

Táthar buartha go mbeidh géarú ar ball ar an trodaíocht sa Liobáin atá á cothú, cuid mhór, ag an chogaíocht in Siria. In Tripoli na Liobáine a tharla na caismirtí is déanaí inniu agus orthu sin a maraíodh scaoileadh cléir mór le rá de chuid na Sunni sa chathair, Sheikh Khaled al-Baradei. Bhí caismirtí ag dul i roinnt cathracha ann le seachtain anuas gan stad agus chlis ar arm na Liobáine na caismirtí a smachtú. Agus i rith an ama tá fadhb na dteifeach ón Siria ag dul in olcas. Meastar go bhfuil corradh is milliún Siriach anois bogtha amach as a dtithe mar gheall ar an fhorneart. Le seachtain anuas, de réir figiúirí oifigiúla, theith 30,000 agus breis Siriach ón tír isteach sa Liobáin, san Iordáin agus sa Tuirc.