Bóthar an bháis gan deisiú
Tá comhairleoirí agus pobal i gContae Chorcaí ar buile cionn is nach bhfuil an tÚdarás um Bóithre Náisiúnta (an NRA) sásta airgead a chur ar fáil chun bóthar thar a bheith contúirteach a dheisiú.
Maraíodh deichniúr ar an bhóthar N72 idir Mala agus Baile Chaisleáin an Róistigh.
Baineann 3,000 feithicil sa lá úsáid as an bhóthar agus is leoraithe iad 11% de na feithiclí sin.
Deir innealtóir sinsearach, Adrian Wier, go bhfuil cuid den bhóthar, a bhfuil sraith de chuair ann, iontach baolach. Dar leis go bhfuil sé iontach meallta nach bhfuil an tÚdarás chun maoiniú a chur ar fáil leis an bhóthar a dheisiú.
Deichniúr a cailleadh i dtaismí ar an bhóthar. Níl sé ach trí mhí ó maraíodh bean ann nuair a bhuail a carr agus leoraí i gcoinne a chéile.
Tá comhairleoirí áitiúla ar an daoraí faoin scéal agus tá siad i ndiaidh scríobh chuig an Údarás ag iarraidh orthu maoiniú a chur ar fáil.
