Acht 1737 – dréim le breithiúnas roimh an Cháisc

Beidh a fhios againn roimh an Cháisc is dócha cén toradh a bhí ar an achomharc i gcoinne Acht frithGhaelach 1737 a bheith i bhfeidhm sna cúirteanna ó thuaidh. Mhair éisteacht an cháis lá go leith agus ag deireadh na himeachtaí inniu tugadh le fios go bhfuil dréim le breithiúnas ann roimh an Cháisc. Coscann an Acht úsáid na Gaeilge sna cúirteanna ó thuaidh agus in ainneoin feachtas a bheith ann in Éirinn agus sna Stáit Aontaithe tá na húdaráis ag cur ina choinne i rith an ama.