Ceiliúradh na Gaeilge in Stormont
Bhí suas le 100 duine i láthair sa tSeomra Fada in Stormont an Aoine seo caite nuair a rinneadh céiliúradh ar 40 bliain de phobal is bunscoil Ghaeltacht Bhéal Feirste ar Bhóthar Seoighe i mBéal Feirste. B’í an tAire Oideachais Caitríona Ruane a bhí i gceannas na n-imeachtaí agus le linn di a bheith ag caint chuimhnigh sí go bhfuil coimitmint anois go fiú ag an leibhéal is airde sa stát ó thuaidh don Ghaeloideachas anois. Ba mhór idir é agus 1970 nuair a bhagair na húdaráis ag Stormont daoine a bhí ag iarraidh an chéad Ghaelscoil a bhunú i mBéal Feirste a chur go príosún as a bheith ag cliseadh ar a nduaglais chun oideachas ‘ceart’ a thabhairt dá bpáistí. Beidh níos mó grianghrafanna agus tuairisc ar an ócáid le léamh ar Nuacht24 na seachtaine seo.
Posted by 