Thosaigh sé nuair a d’impigh sé, i measc rudaí eile, ar a chara Dara Ó Briain, roinnt Gaeilge a fhoghlaim dó ach ó shin bíonn teachtaireachtaí beaga as Gaeilge aige rialta go leor.

Ar na cinn is déanaí, scríobh sé “1,000 leanúna nua ó Éirinn! go raibh maith agat!” agus “Athbhliain sásta le mo chairde na hÉireann nua! Corcaigh, Baile Átha Cliath agus Béal Feirste, a fheiceann tú ar Shráid Grafton don beoir!”

Rinne sé tweet eile anocht chomh maith ag tagairt don chluiche sacair idir Liverpool agus Manchester City. “LFC v MUFC BEO ar #talksport anocht ag 7:45. Tá fearadh na fáilte roimh do lucht leanúna na hÉireann an dá bhfoirne! Is iomaí uair a fhaigheann scairt macalla.”

Beidh an sár ghrúpa óg traidisiúnta as Baile Átha Cliath, Na Bonny Men, atá go mór faoi thionchar An Bothy Band, ach go bhfuil fuaim éagsúil acu féin, ag seinm ag Cabaret Craiceáilte na Nollag, Tigh Hiúdaí, An Bun Beag, Gaoth Dobhair, De Sathairn seo.

Tá ceirnín úr go direach eisithe ag The Bonny Men, agus is féidir a bheith ag súil le ceol breá bríomhar gur féidir damhsa leis chomh maith le amhráin ar doigh.

Tá ceangal láidir acu le Gaoth Dobhair, mar go bhfuil beirt do Chlann Uí Chasaide, an darna glúin dona Casaidigh, sa ghrúpa.

Beidh An Crann Óg, ceolfhoireann traidisiúnta óg Ghaoth Dobhair, chomh maith lena hamhránaithe áitiúla, Bríd Ní hIcí & Líam Mac Giolla Bhrighde le tionlacan ceoil ón sár cheoltóir bosúcaí & mandailin, Niall Hackett, agus cuid mhór ceoltóirí eile ar an ardán fosta, De Sathairn seo, 17 Nollaig.

Beidh amhránaithe, ceoltóirí agus damhsóirí ar doigh i láthair ag Cabaret Craiceáilte na Nollag, Tigh Hiúdaí, An Bun Beag, Gaoth Dobhair, agus beidh fáilte romhatsa a bheith ‘craicéailte’ ina gcuideachta, ag cóisir na Nollag, De Sathairn seo, 17 Nollaig, 9pm.

Pictúir 1

Ó chlé:  Gráinne Mhic Géidigh, Cathaoirleach réigiúnach, Údarás na
Gaeltachta; Liam Ó Cuinneagáin, Oideas Gael; Dr. Seosamh Watson,
Cathaoirleach Oideas Gael; an tAire Mhic Fhionnaighle, TD; Siobhán Ni
Churraighín, riarthóir Oideas Gael; Gearóidín Nic Ghonghail, Bainisteoir, An
Siopa Gaeilge.

Grianghraf le Clive Wasson.

Arsa Aodhán Ó Deá, Comhairleoir na Mac Léinn agus eagraí na traenála: “Bíonn an-tóir ar áiteanna ar an seisiún traenála, ó is deis iontach í do bhaill choistí na gCumann Gaelach agus d’Oifigigh Gaeilge ó cheithre hairde na tíre teacht le chéile leis an teanga a chur chun cinn. Ní hamháin go mbíonn traenáil den chéad scoth á chur ar fáil ó dhaoine atá ag obair in earnáil na Gaeilge le blianta beaga anuas, ach is seans do rannpháirtithe é an deireadh seachtaine aithne a chur ar mhic léinn ó na coláistí eile agus iad féin a chumasú leis an teanga a chur chun cinn sna hinstitiúidí tríú leibhéil fud fad na tíre i bpáirt lena chéile.”

Fáilteofar roimh ionadaithe ó Chumainn Ghaelacha na n-institiúidí éagsúla ag seisiún eolais agus aithne i gColáiste na Tríonóide, Baile Átha Cliath 2, ag 6.00in tráthnóna Aoine, 14 Deireadh Fómhair 2011, áit go mbeidh deis ag na mic léinn bualadh leis na rannpháirtithe eile chun smaointe agus spreagadh a thabhairt dá chéile, sula labhróidh aoichainteoir speisialta leo ar ról na Gaeilge mar theanga do mhuintir uile na hÉireann. Beidh deis ag na mic léinn páirt a ghlacadh i gceardlann Raidió Rí-Rá mar chuid de chruinniú cinn bliana an chairtstáisiúin Ghaeilge ag 7.30in ar an oíche chéanna, roimh aghaidh a thabhairt ar Chlub Chonradh na Gaeilge ar Shráid Fhearchair d’oíche shiamsaíochta le DJ Raidió Rí-Rá, sólaistí, ceol agus craic trí Ghaeilge.

Pléifear gach gné de shaol na Gaeilge san ollscoil mar chuid de cheardlanna cumasaithe a bheidh á ndéanamh ag na mic léinn i gCeannáras Chonradh na Gaeilge ag 6 Sráid Fhearchair, Baile Átha Cliath 2, maidin Shathairn, 15 Deireadh Fómhair 2011, ó 11.00rn – 1.00in, lena n-áirítear pleanáil imeachtaí an Chumainn, tiomsú airgid, seirbhísí Gaeilge agus cearta teanga ar an gcampas agus san Aontas Eorpach araon. Reáchtálfar seisiúin eolais sciobtha do na rannpháirtithe i ndiaidh lóin ó 2.00 – 3.30in Dé Sathairn freisin, áit go gcuirfidh aoichainteoirí le taithí ar an talamh comhairle ar na mic léinn maidir le haistriú teanga, Seachtain na Gaeilge a eagrú sa choláiste, páirt a ghlacadh i gcomórtas Ghlór na nGael don tríú leibhéil agus conas éirí gafa le feachtais náisiúnta Chonradh na Gaeilge. Cuirfear críoch leis an traenáil le seisiún aiseolais agus plé ginearálta ar phleananna don bhliain chun an Ghaeilge a neartú agus a spreagadh sna coláistí.

“Tháinig 80 mac léinn ó bhreis agus 20 coláiste, ollscoil agus institiúid teicneolaíochta le chéile don deireadh seachtaine traenála anuraidh,” arsa Ó Deá, “agus ba léir go raibh an-fhiúntas ag baint leis ón oiread comhoibre a bhí ar siúl idir na Cumainn Ghaelacha i gcaitheamh na bliana. Tá súil againn cur leis an dea-obair sin ag traenáil 2011 agus tuilleadh ócáidí ar nós Oíche na Mac Léinn ag an Oireachtas a eagrú amach anseo.”

Cuirfear lón ar fáil in aisce do rannpháirtithe agus tá líon áirithe lóistín á chur ar fáil do na mic léinn ag teacht ó lasmuigh de Bhaile Átha Cliath, ach is gá áit a chur in áirithint don traenáil roimh ré trí theagmháil a dhéanamh le hAodhán Ó Deá ag aodhan@cnag.ie faoin gCéadaoin, 12 Deireadh Fómhair 2011.

Le Daltaí na Gaeilge

Cailleadh ár gcara dil Ethel Brogan oíche aréir, an 5ú lá de Dheireadh Fómhair 2011. Grásta ó Dhia ar a hanam.

Rugadh Ethel Mathews i gCathair Ard Mhacha seacht mbliana is ceithre scór ó sin.  Cé nach raibh ach cúpla focal acu sa bhaile, cheap Ethel go raibh sé tábhachtach a teanga féin a fhoghlaim.  Chuaigh sí i dteannta a dearthair, John, agus a gcolceathracha go Conradh na Gaeilge.  Bhuaileadar leis an Ath. John Quinn, nó wee Father John, mar a thug sí air.  Thuig wee Father John gurbh í a gcultúr  agus a dteanga féin í an Ghaeilge agus go mba hiad na daoine óga a choimeádach an teanga
beo.  Dá raibh a fhios aige cé chomh cruinn agus a bhí Ethel óg ag éisteacht leis. Mar thit sí i ngrá leis an nGaeilge.

Tháinig Ethel go Meiriceá i 1946 ach níor chaill sí riamh an grá dá teanga.   Bhí sí ina ball sa Gaelic League i bparóiste N. Maitiú in Manhattan in ar bhuail sí le Bill Brogan.  Phosadar agus nuair a bhí clann óg acu, bhogadar go Fishkill, New York. Thosnaigh sí ar an nGaeilge ag múineadh i ranganna Adult Ed ann.  Agus tar éis tamaill, thuig Ethel go mbeadh seans níos fearr dá scoláirí da raibh deis acu an teanga a chleachtadh.  Bheartaigh sí go mbeadh deireadh seachtaine acu in a mbeidís in ann labhairt le chéile go nádúrtha.  As an gcéad deireadh seachtaine sin i 1981, d’fhás an gluais Daltaí na Gaeilge.  Gluais atá fós beo láidir ag scaipeadh na teangan ar fud na tíre seo.

Is méala mór go deo dúinn bás ár Máthar Ab, ár gcara dil, ár gcarraig chiall.

Ba mhaith le foireann Dhaltaí na Gaeilge comhbhrón a dhéanamh le fear chéile Ethel, Bill, agus lena gclann, Patrick, Bridget, agus Brendan agus a gclann clainne.

Ar dheis Dé agus i measc na nGael go raibh anam Ethel dhílis Brogan.

Socair Sochraide

Dé Luain, 10 Deireadh Fómhair
Aifreann Dé – 11:00 a.m.
St. Mary Mother of the Church
106 Jackson Street
Fishkill, NY 12524

Dé hAoine 7 Deireadh Fómhair 2011
An Ghaeilge sa chóras meánscolaíochta thuaidh agus theas, 4:00i.n. – 5:30i.n.
PAINÉAL 1
Niall Comer (Comhairleoir ag CCEA)
Máire Ní Laoire (Comhar na Múinteoirí Gaeilge)

Siansaí Ceoil: Cór Loch Lao agus Cór Thaobh a’Leithid, 5.30i.n. – 7:00i.n.

Fáiltiú, 7.00i.n. – 7:30i.n.

Léacht Mhic Ádhaimh, ‘Fís don ghaelscolaíocht sa 21ú haois’, 7:30i.n. – 8:30i.n.
An Dr. Micheál Ó Duibh (Príomhfheidhmeannach Chomhairle na Gaelscolaíochta)

Gradam Mhic Ádhaimh – Aingeal Uí Bhuachalla, 8:30i.n. – 9:00i.n.

Oíche Airneáil – Cumann Chluain Ard, 10.00i.n. – mall
Le Muintir Ráth Chairn

Dé Sathairn 8 Deireadh Fómhair 2011

An Ghaeilge sna Gaelscoileanna, 9:30r.n. – 11:00r.n.
PAINÉAL 2:
An Dr. Seán Mac Corraidh (Bord Oideachais agus Leabharlann Bhéal Feirste)
Éibhlín Mhic Aoidh (Coláiste Ollscoile Naomh Múire)

An Ghaeilge i scoileanna na Gaeltachta, 11:30r.n. – 1:00i.n.
PAINÉAL 3:
Muireann Ní Mhóráin (COGG)
Éamonn Mac Niallais (Guth na Gaeltachta)

An Ghaelscolaíocht agus an Pobal, 2:30i.n. – 4:00i.n.
PAINÉAL 4:
An Dr. Conchúr Ó Giollagáin (O É Gaillimh)
An Dr. Feargal Mac Ionrachtaigh (Forbairt Feirste)

Turas báid, 5:00i.n. – 6.00i.n.
Ceol, spraoi agus craic ar an Lagán, Oíche Shiamsaíochta

10.00i.n. – mall
Cumann Chluain Ard, á reáchtáil ag Laochra Loch Lao
Tabharfar na léachtaí i LéachtlannWilliam Conor, Ollscoil Uladh Sráid Eabhrac, Béal Feirste.

Tá an dearadh speisialta socraithe
 ag Michal Boleslav a chiallaíonn go bhfuil sé níos éasca an suíomh a léamh ar ghuthán cliste nó ar ghléas móibíleach eile.

Níl le déanamh ach dul chuig an ghnáthsheoladh www.beo.ie. Aithneoidh an suíomh go huathoibríoch gur gléas móibíleach atá á úsáid agus tabharfaidh sé leagan den suíomh a bheidh inléite go héasca ar scáileán beag.

Is iris ar líne é Beo! a dhéantar nuashonrú air uair sa mhí agus a bhfuil réimse alt le fáil ann.

Seo an chéad uair ar tháinig eagrais agus ionaid Ghaeilge uilig Bhéal Feirste le chéile chun féilire den chineál seo a chur le chéile agus tá súil ann go mbeidh sé ina threoir ag turasóirí agus ag Gaeil áitiúla maidir le himeachtaí gach seachtain go dtí mí na Nollag 2011.

“Tá de cháil ar Chathair Bhéal Feirste cheana féin gur inti atá an chéad cheantar Gaeltachta i mbaile mór,” arsa an tArd-Mhéara Niall Ó Donnghaile, a sheol an féilire.

“Tá borradh mór le tabhairt faoi deara in úsáid na Gaeilge ar fud cheantracha eile na cathrach le blianta beaga anuas agus a lorg sin le feiceáil go sonrach ar an fhéilire seo. Molaim go tréan do mhuintir Bhéal Feirste páirt a ghlacadh sna himeachtaí éagsúla agus cuidiú leis an tionscnamh seo.”

Tá níos mó ná 140 imeacht ar liosta Fhéilire na nImeachtaí, ina measc ranganna Gaeilge, ranganna amhránaíochta, turais cultúrtha, clubanna óige agus Clubanna an Domhnaigh do dhaoine fásta a mbeidh ceol, filíocht, scannáin ghearra, tráth na gceist agus comhrá i gceist leo.

I measc na ngrúpaí pobail Gaeilge atá ag rith na n-imeachtaí tá Cumann Cultúrtha Mhic Reachtain (Tuaisceart Bhéal Feirste), Croí Éanna (Mórcheantar Thuaisceart Bhéal Feirste), An Droichead (Deisceart & Oirthear Bhéal Feirste), Ionad Uíbh Eachach, Glór na Móna agus Cultúrlann MacAdam Ó Fiaich (Iarthar Bhéal Feirste).

“Beart nua seo a bhfuil an-ghealadh faoi” arsa Ferdie Mac an Fhailigh, Príomh-Fheidhmeannach Fhoras na Gaeilge, a bhí páirteach sa togra chomh maith.

“Tagann i gceist leis seo go bhfuil imeachtaí Gaeilge ina gcuid dílis den saol mealltach cultúir i mBéal Feirste agus tá fairsinge á chur le ról na Gaeilge ar fud Bhéal Feirste ar fad. Is breá le Foras na Gaeilge cúnamh a thabhairt maidir leis an liosta seo agus tá súil againn go mbeidh deis ag gach duine páirt a ghlacadh i gcuid den réimse leathan imeachtaí atá á gcur ar siúl.“

Tá an féilire le fáil le híoslódáil ó www.gaeilge.ie agus is féidir sonraí breise faoi aon imeacht istigh ann a fháil ón ghrúpa atá á eagrú.

Cúrsa páirtaimseartha oíche atá i gceist a mhaireann 30 seachtain thar dhá bhliain agus a thugann deis do dhaoine le réimse cumais sa Ghaeilge staidéar úrnua a dhéanamh ar an teanga.

Ní mór d’iarrthóirí ábhar amháin ag A Leibhéal agus pásanna ag Leibhéal GCSE bheith acu de ghnáth agus bheith 18 bliain d’aois ar a laghad.

Bhí an-ráth ar an chúrsa anuraidh le daoine ag freastal air le post a fháil in eagras Gaeilge, le dul ar aghaidh chun breis staidéir a dhéanamh nó díreach le feabhas a chur ar a scileanna teanga.

Le haghaidh tuilleadh eolais cuir glaoch ar John Mc Caul ag an uimhir 028 3026 1071 nó seol rphost chuig mccaulj@src.ac.uk